有好多時我會突然有種感覺
乜我結咗婚喇？
回憶返起婚禮嘅一點一滴，係喎，我真係結咗婚了！
同一個人朝夕相對，好似係生活嘅習慣咁，已經覺得生命中離不開呢個人
雖然生活上有好多煩惱咁衝突，但我知道唔需要再為感情來來往往而擔心，亦唔需要再為愛情而奔波憂慮
結婚同唔結婚嘅感覺，似有若無，你會問咁同居咪一樣，唔簽張紙都可以，但我唔知點講，你會有份奇怪嘅安全感，好似呢個人走唔甩
究竟同一個人生活五年十年二十年感覺係點？
係唔係一定係慢慢變得淡如水？係咪會失去愛情感覺？
我都係凡人一個，我唔知，或者借呢度可以俾我記錄低，同大家分享一下婚後生活點點滴滴